تاراتا ايتساق, جاڭا جۇمىس ورىندارىن اشۋ ارقىلى 13047 ادام ەڭبەك ەتۋ قۇقىنا يە بولماق. «ورلەۋ» باعدارلاماسى اياسىندا تۇرمىسى تومەن وتباسىلاردى قامتۋعا ء بىرىنشى كەزەكتە باسىمدىق بەرىلگەن. وسىعان وراي270 الەۋمەتتىك كەلىسىم-شارت جاسالىپ, 1200 ادام قاتىسۋشىعا نيەت بىلدىرگەن. ادرەستىك الەۋمەتتىك كومەك الۋشىلار اراسىندا ەڭبەككە جارامدى تۇرعىندار ۇلەسىنىڭ 1,7 پايىزعا كەمىگەنى بايقالادى. ەندىگى ماقسات– كىرىسى ءومىر ءسۇرۋ دەڭگەيىنەن تومەن توپتاعىلاردىڭ سانىن 15,1 مىڭعا دەيىن ازايتۋ. ناتيجەلى جۇمىسپەن قامتۋ جانە كاسىپكەرلىكتى دامىتۋ باعدارلاماسىن جۇزەگە اسىرۋعا رەسپۋبليكالىق قازىنادان 4,5 ميلليارد تەڭگە بولىنگەن. شاعىن نەسيەلەۋ مولشەرى 2,5 ەسەگە ارتىپ, 2,3 ميلليارد تەڭگە قاراستىرىلعان.
«باستاۋ بيزنەس» باعدارلاماسى دا ومىرشەڭدىگىن كورسەتىپ كەلەدى. ونىڭ شەڭبەرىندە 920 ادامدى كاسىپكەرلىكتىڭ قىر-سىرىنا ۇيرەتۋ بەلگىلەنسە, ۇشتەن ءبىرى قىسقا مەرزىمدى كۋرستاردى اياقتاپ شىققان.5 ادام 11ميلليون جەڭىلدىكتى قاراجاتقا قول جەتكىزگەن. تۇتاستاي العاندا, جۇمىسسىزدار مەن ءوزىن-ءوزى جۇمىسپەن قامتاماسىز ەتەتىن ساناتتاعىلاردان التى مىڭنان استام قاتىسۋشىعا مەملەكەتتىك باعدارلامالاردىڭ جەڭىلدىكتى قىزمەتتەرى ۇسىنىلعان. ءسويتىپ, جىل اياعىنا دەيىن جۇمىسسىزدار سانى-600, ءوزىن-ءوزى ەڭبەكپەن قامتيتىندار-5000 ادامعا ازايىپ, جالدامالى قىزمەتكەرلەر 3,5 مىڭعا ۇلعاياتىن بولادى.
جىل باسىنان بەرى 13 مىڭ سولتۇستىكقازاقستاندىق جۇمىسقا ورنالاسىپ, بالا-شاعا ناپاقاسىن ايىرىپ وتىر.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى.
